كنا بنقول كتير انا مش بخاف الا من اللي خلقني .. دايما كانت الجملة اللي تحسس اللي قدامك انه بالنسبة ليك هوا !!
بس ده مش صح ..
لان بين الناس اولا و اخيراً هو الاحترام و اللي ان شالله مش بيعمل مشاكل لو موجود ...
اما بقي بالنسبة لأننا بنقول انا بخاف من اللي خلقني و بس ..! ازاي بقي ؟!
صحيح الخوف من ربنا هيجبرنا نبعد عن حجات كتير اوي ممكن تزعله او تغضبه علينا .. لكن الحب ل ربنا هيزود الحجات الحلوة اللي بنعملها ..
الرسول عليه أفضل الصلاة و أذكي السلام كان بيقول : " لا يؤمن أحدكم حتي أكون أحب إليه من ولده و والده و الناس أجمعين " سبحان الله .. و ده حب الرسول .. ما بالك بقي ب حب المولاي عز وجل يالله ...
لا يكتمل الإيمان في القلب الا بالحب و ليس الخوف .. الحب لوحده هيخليك متعملش حاجة تضايقه و تلتزم باللي يهديك و يصلح حالك بدليل ان مفيش حد بيحب ربنا و تلقيه في يوم مضايق او زعلان لانه دايما راضي بقضاء وبنا و قدره و عارف كويس ان ربنا بيختبرنا هنتخلي عنه حبه عشان مشكلة او أزمة مرينا بيها ! :)
لما تيجي سيرة الموت متحسش انك خايف او مرعوب تقابله بل بالعكس .. حد يقدر يتخلي عن معاد حبيبه ! ده بيكون متشوقه اوووي اوي
و علي قد ما يقدر بيحاول يداري ارتباكه من عظمة خالقه لكن مش خوف لانه متأكد انه لما عمل غلط قبل كده تاب ل ربنا و لو مقدرش يصلح الغلط اهو بطله تماماً و من احد أسماء الله الرحيم يعني مهما عملنا ربنا هيتوب علينا و يغفر لينا بدليل انا يزرع في قلبك هداية الإيمان و طمأنينة الحب و سكينة الدعاء .. بيفتح لنا طريق بينا و بينه عشان توصله كل حاجة بدون اي نفاق او خوف و بيحقق كل أمانيك في الوقت اللي يناسبك لانه علام الغيوب .. :)
مين حب و ما اتمني يشوف حبيبه و يطمن عليه .. اهو الصلاة هي اللي منها قلبك يطمن .. دموعك في الصلاة و خشوعك فيها دليل صوتك اللي ربك سامعه و حبك ليه اللي بيحسسك ان كل ما ليك و ما تقدر تستغني عنه ..
رسولنا الحبيب كان بيقول : " أرحنا بها يا بلال " .. يالله ... الحب لله هو سبب ترحبنا علي الصلاة .. الرسول عليه الصلاة و السلام قال أرحنا بها مش منها .. اللهم صَلِّ و سلم و بارك عليك يا حبيبي يا رسول الله 💚
من أحب بصدق .. نال ما لم يتوقع و لا خطر له ببال ... ياااارب 💚💚
استودعتك ربي 💚
