عروسة 🙏🏼

يمكن أكتر حاجة بتخوف في اي علاقة مش لازم الحبيبة بس لكن حتي الصحاب او الأهل كمان ..

اكتر حاجة تخوف لما تحس ان سعادتك كلها واقفة علي كلام من شخص معين علي أفعال بسيطة اوي بتحب تشوفها منه .. علي زعلك منه لما تبقي انت معتبره أقرب حد ليك في مقابل هو يضايقك بكلام ما يكون حاسس أصلا انه عمل في حقك حاجة غلط ! 

يعني زي ما بيقول الدنيا مفيش فيها الكويس طوول الوقت و الوحش موجود و الكويس كمان .. بس لما حاجة توجعك مش بتستأذنك قبلها .. 

حاسة نفسي بقول هلاوس ! 

بس بجد أنا بقيت أحس نفسي مش فاهمة او حاجة مش عارفة ازاي ممكن أكون فاهمة !! كل حد له فلسفته بس مش لدرجة التجرد من كل مشاعر الذنب و إحساس انك دايما علي حق يفضّل تاج علي رأسك ! 

حاسة ان البُعد اللي بيكون موجود بقي أطول من انك تفكر تجريه ! انا طبعي هادي اوي لكن لأول مرة أعمل اللي عملته النهاردة و لحد دلوقتي مش مستوعباه مهما كان حد غلطان في حقي أبدا مقدرش اعمل حتي نص خطوة ناحيته بس أنا بجد والله ما حسّيت بنفسي .. 

حاسة إني خلقت مسافة بين عقلي و قلبي و سيبت نفسي في النص لا قادرة اروح لعقلي عشانه هيزعل كتير ولا قادرة أجازف لقلبي و أعتبر نفسي مش ظالمة ! حاسة بحاجات كتير مكتومة جوايا و كل مدة أوصل لأخرى و بطريقة ما أهدي شوية عشان أزود الفترة اللي أستحملها أكتر .. نفسي أوي أووي أقدر أستحمل طوول الوقت لأخر نفس ليا عشان مش عايزة أقابل ربنا و أنا غلطانة في حق حد #يارب 

حاسة اني نفسي أكون أوي زي العروسة اللي بنلعب بيها و إحنا أطفال .. بنعمل معاها حوارات و نعيش معاها و ممكن نأذيها و ممكن نقطعها او اي حاجة فيها و عمر ما عروسة اتكلمت و اشتكت ...