#الصورة اللي تحت دي شوفتها صدفة !
فكرتني بذكريات كتير اوي ...
دولفين في مسلسل كرتون من اللي كنت بشوفهم
اسمه أسرار المحيط .. الدولفين " لؤلؤة" 🐬
لؤلؤة كانت صديقة مقربة أوي ل بنت صغيرة و فضلوا يكبروا مع بعض و علاقتهم بتكبر
ده بغض النظر ان الدولفين حيوان
اني لحد دلوقتي كل ما أشوف لحظة موت لؤلؤة بعيط من قلبي علي فراقها 😓
بحس اني بفارق ناس غالية عليا اووي
و دموعي بتنزل بدون إذن ! ..
مش ناسية أبدا لما دخلت الجامعة اول سنة
اتعرفت علي بنت كان اسمها شبه اسم لؤلؤة
لدرجة اني لحد النهاردة مسجلها عندي لؤلؤة
كنت كل ما أشوفها أحسها بتفهمني
بتفكرني بمدي القرب اللي كلن بين لؤلؤة و البنت الصغيرة 💞
مع ان الأيام فاتت
و عقولنا نضجت كتير عن زمان
بس أنا مفتقدة إحساسي بالطفولة اوي
مفتقدة المشاعر الصادقة ، لمعة العينين ، النفس السريع من الارتباك 🙊
مفتقدة عمي اوي 😔
مفتقدة لؤلؤة أوي 💖
#اللهم لا تفتني فيما ليس بين يدي
#يارب 🙏🏼
