عشان توصفه .. مش عارفة ليه بس اللون
ده مش زي كل الألوان في عيني
.
ساعات أحبه جدا و أتمنى أشوفه حوليا
و ساعات أخاف منه !
أحس انه تجمع سكاكين كتير
مصطلح غريب جاه في بالي
زي ما كل حاجة غريبة بشوفها لما أشوفه
.
الأحمر لون القلب الطبيعي مش طبعه
لون المشاعر الحقيقة اللي بتخليه .. يدق ❤️
.
لون وردات كتير
اختاروا اللون عشان يكون قوة 😍
.
لكنه برده لون الجرح
لون الدم اللي ممكن تشوفه اي وقت
بيفكرني بكل وجع حسيته في حياتي ..
.
منكرش اني لما بشوفه
بحس بزعل من جوايا
مكنش عندي تفسير ل كده
بس عرفت السبب من
صدفة اتكررت في حياتي كتير
مخدتش بالي منها الا دلوقتي
اللون الأحمر ..
اللون اللي بيبان علي خد كل بنت
وقت ما تحس انها اتكسفت
من كلمة او حركة
رد فعل تلقائي منها ..
زعلت من جوايا اوووي
اني أخدت بالي ان الحركة دي
أقل من النادر 😕 ..
.
بصراحة حاسة ان اللون ده
له نصيب في حياتي
بطريقة أو غيرها
عايز يكون في حياتي
حتي بعد ما رفضت وجوده
ألاقي نفسي بدور عليه ساعات
بس بصراحة لسبب ملوش تفسير الحقيقة 😂
بس لِسَّه عندي إحساس
إنه مُصر يكون في حياتي
سواء بحب او بكره
موجود و خلاص ..
