مَن حَكَم في مالِه فما ظلم 🙊
.
.
أنا أعرف أمثال كتير أوي من صغري
بس مجاش في بالي أعرف معانيها
أو بتتقال امتي
كنت فاكرة ان بمجرد ما تكون حافظ أقاويل كتير
كده خلاص بقيت من الأعلام
منبع أفكار و إستشارة
.
بس دلوقتي بيجي في بالي أمثال مختلفة
زي بتاع النهاردة
مَن حَكَم في مالِه فما ظلم ..
.
مش فاهمة ليه و ازاي مكنتش ملاحظة المعاني دي من قبل كده
.
طول ما الاسم تحت لقب الثانوي
عمره ما يكون له حق تصرف فعلي
ممكن ظاهري عشان خاطر غرض معين
بس بعيد كل البُعد عن .. الحرية
.
المال مش بس الفلوس
بس كمان النفوس
مش معني مثلا ان بينا علاقة قرابة او صداقة او اي كلام
يبقي ليا حق أقول أي رأي في حاجة تنفذها
أو زي ما كنت بتوقع زمان .. تستشعريها
.
بس فكرة الشم علي ضهر الايد
مبقتش كلمة تريقة وخلاص
دي بقت أساس في حياتي
كنت فاكرة أي حاجة مهمة و أهتم بيها
فأكيد لازم تكون حاسة بيا
و تقدر علي الأقل قلقي و اهتمامي
.
قرأت كتير علي الفيس و غيره
أكتر من حد بيكتب ان الناس بتتسابق
مين عنده هموم اكتر من التاني
مين هينتحرالأول عشان يثبت انه ضحية أكبر و أجدر
.
بس مبقاش الموضوع تريقة خالص
ولا يستحمل اي هزار
.
أنا كرهت البشر
ميعرفوش أي معني للتقدير او الاهتمام
و المعاملة بالمعروف
المعني ده مهم أووووي في عيني
.
حاسة اني موجوعة أوي من كل الناس
كلهم بلا أي استثناء
.
مش قادرة أتوقع أي حاجة في صالحي من اي حد
زي ما كنت بتعامل مع كل الناس قبل كده
.
حاسة بنفسي طيرت لفوق
فوق اوي
فوق جبل و شايفة كتير
و عشان السحاب محدش شايفني
.
محدش عمل حاجة تتحسب عليه غلط في نظره
بس بيني و بين نفسي
حاسة اني فقدت كل حاجة
و نفسي أبعد أكتر
بدون الحاجة لأي حد
.
الثقة في عيني دلوقتي
صعبة المنال جداا ✍🏼️
