رفقاء طول العمر و ما بعده
هما الأخوات اللي بتختارهم بنفسك
أخوات لما تلدهم أمك
حبهم غير حبك لأخواتك الأصلين
و في نفس الوقت ما تقدر تستغني عن اي منهم
يوم عن يوم علاقتكم بتقوي و تحلي في عينك اكتر
و دعاءك لربنا تدوم بيكتر و يكون أصدق
جينا في طريق بعض عشان
نساعد و نساند بعض
تكون مع بعض في الحلوة و المرة
بس الأساس احنا مع بعض عشان نسعد بعض
يكون نكون سبب فرح بعض
مش لازم أشكيلك عشان تتأكد اني متضايقة
لكن لو كنت صديق حقيقي هتحس
و تدعيلي ربنا يفك كربي بظهر غيب
هتكون دعوة مستجابة
و في نفس الوقت دعوتك هتوصلني
زي ما أنا كمان بدعيلك
و ربنا هيزرع في قلوبنا اللي يربطنا طول الحياة
و محدش راح يندم ابدا انه اختاره من البداية
بل هيفرح ان ربنا كان سانده
لحد ما اختار أنسب الناس
اللي استحمله و صبر عليه و معاه
الرسول عليه أفضل الصلاة و أذكي السلام
هو قدوتنا كلنا
ما حد فينا يقدر يكون زيه
لكن نتمني حتي جزء منه و لقائه
لما كان عليه الصلاة و السلام يتضايق من الدنيا
او اي موقف مكنش يجيي في باله
يحكي وجعته ل صديق او زوجته
كان يفزع الي الصلاة
و يدعي ربه يؤنسه و يعينه
و يقويه و يصبره و يداويه و ينصره
كان ملاذه الأول دايما
و احنا كان عمرنا ما هنلاقي
اقرب و ارحم من الله سميع و بصير
يحمينا و يراعينا و يهدينا لبعض
و يخفف جروحنا و يديم فرحتنا
و يجمعنا في جنته و يؤنسنا في وحدتنا
و يرزقنا دايما الصحبة الصالحة
أصله كريم اووي و عادل اووووي اوووي
مش علينا الا اننا نتقي الله في كل عمل
و هيرزقنا الرضا عن كل حاجة
أهل و أصحاب و أخوات و أزواج و أقارب
كلنا لله محتاجين
و بإذنه متجمعين
و في رحابه هنكون طاهرين
و في بيته ان شالله شاكرين
و في زيارة رسوله حامدين
و في ضيق الدنيا صابرين
و جنة العلي طامعين مترقبين
يارب جمعنا علي حبك و رضاك ياااااارب
No comments:
Post a Comment