مش عارفة أبدا ممكن الكلام يبدأ إزاي
غالبا مش بعرف أبدأ الموضوع اللي أكون عايزة أقوله
لما أكون عايزة أقول حاجة معينة
ألاقيها بتطلع بطريقة تانية خالص
أو يطلع كلام مختلف تماما
.
حسّيت ان ده شبه اللي بيحصل في البعد
المسافة اللي بيكون بين أي اتنين
.
بفكر كتير في المسافات اللي بتكون بينا
في مسافة حلوة
ان القرب وقتها مش حلو
و يضايق و ساعات خطر
.
بس في مسافة تانية
بعيدة اووووي
دايما بنتمني قربها
بصراحة بخاف أتمنى
ليه المسافة كبيرة ؟
ممكن كان خطر قربها كبير بجد
عشان كده هي كبيرة ؟
طب لو حقيقي .. ليه عرفنا الناس البعيدة دي ؟؟
.
أكتر مثل بيجي علي بالي في الوقت ده
الممنوع مرغوب !!
هل صحيح حبنا للحاجة البعيد
بس عشان خاطر انها بعيد !؟؟؟
.
من سنين طويلة
كنت بعيدة أوي عن كل الناس اللي أعرفهم دلوقتي
كنت بحس بجزء مني بعيد
لما أتكلم معاهم .. وأفتكر المسافة بينا
و دارت الأيام و جيت
جيت للأسف !
استغربت من قدرة البشر العادية علي التحول
مش هقول نسيان عشان ده مش نسيان
ممكن أسميه تطنيش ! ..
.
أكتر حاجة بتزعلني في حياتي كلها
لما أحس اني ..
فهمت نفسي غلط
و فهمت مشاعري غلط
و اخترت لهفة مش حقيقية ..
.
بس دلوقتي الوضع اتغير
كنت وقتها في خانة تحت ال٢٠ سنة
لكن دلوقتي المفروض اتغيرت
و اتغير حوليا كتير
اللي كان بعيد قرب
و القريب بعد ..
و ده اللي مكنش في حسابات أبدا
لما بتعود علي حد بصعوبة
مبيجبش في بالي انه ممكن يختفي
أصلي بفكر كتير أوي
ان ممكن يكون بيتفكر فيا ب١٪ زي تفكري
ف مقدرش أختفي !
.
بصراحة في وسط كل ده
حاسة بخوف !
خوف أكون بوهم نفسي
خوف أكون بشيل دنب
خوف أكون ظالمة
خوف مستحملش أكون مظلومة !
خوف أكون ظالمة
خوف مستحملش أكون مظلومة !
أو خوف أكون مش قد اللي ممكن يفرحني ..
.
اللهم دبر لي فإني لا أحسن التدبير
No comments:
Post a Comment