هو الأكيد ان المقياس اللي الناس بتشوف بيه
مش ايه الصح و ايه الغلط 🤐
لكن ايه البريستيچ و ايه لا
و اللهم أعلم ايه اللي بيغير الناس كل جيل اوي كده
.
بحاول أستحمل كتير تغيرات الأجيال
بس غصب عني بزعل
.
بزعل لما أشوف راجل
مستني اي واحدة تتكلم أو تسأل عليه
مهما كانت صلته بيها
.
بزعل لما أشوفه بيجي عليها
و يستغرب اوي لو هي اتغيرت عليه
.
بزعل لما يخبي حاجة
المفروض يقولها ليها بس
و ميقولهاش بحجة انه .. راجل
و لازم يفضّل بعضلات علي طول 🤒
.
بزعل لما يعاتب و يلوم في حاجة
المفروض يتلام عليه فيها !
.
بزعل أوي لما أحس ان الراجل ده
بيتسند علي كلمة .. أنا الراجل
بدل ما يحسسني انه راجل قدامي
.
مش عارفة ايه اللي حصل فعلا غير الأجيال كده
ايه اللي حصل خلاه ينسي أوي أوي كده
اللي المفروض يعمله في كل مراحل حياته
.
أنا من زمان أوي مشوفتش راجل زي ما في بالي🙆🏻♂️
الراجل في عيني مختلف أوي 🙇🏻
.
أشوفه أحس ان خلاص الصعب هان لأنه هيساعد
أسمعه أحس ان الدنيا بسيطة أوي
أحس ان له مكان في يومي مينفعش يكون فاضي
أحس ان كلامه معايا عن محنة
مش بيحسسه انه ضعيف في نظري
بيعمل حساب لكلامي معاه
بعيد عن نظرية صفر علي الشمال
بيهتم بوجودي في حياته
معندوش أي استعداد يبيعه
مش محتاج أي توجيهات يتكلم معايا ازاي
أو يمشي خطوات لحد فين و ازاي
مش محتاج توجيه يكون راجل ازاي 👌🏼
بيني و بينه مفيش تكليف
و تختلف درجته علي حسب علاقته بيا
أخر حاجة تيجي في باله سوء الظن او الإهانة
ساعات أحس انه أبويا و أنا بنته
و ساعات أحس اني أمه و بغير علي جرح ابني
معاملاته لطيفة اوي
لسانه ألطف كمان
بعيد جدا فعلا عن ألسنة الناس اليومين دول
حتي لو غلط معاه في حاجة
يحن عليا في زعلي من نفسي اني بزعله
و يغلطني كمان في أي حاجة
حنيته تحسسني اني في كل ثانية
ميكفيهوش اني أحمد ربنا علي وجوده في حياتي 💚💚
..
في أي تنازل مني لأي راجل
بيترجم عندي لأقل درجة من مكانه في كل تصرف
.
يارب هون أيامنا الباقية و عديها
و اجمعنا عندك مع الطيبين
ياارب 🙏🏼
No comments:
Post a Comment