استعملت المصطلح ده في أوقات تانية
لكن عمرها ما كانت شبه اللي انا حساه دلوقتي
.
مش إكتئاب لدرجة الإنعزال و النوم المتواصل
ولا المشاركة و الضحك اللي من القلب
ولا حتي الرغبة في الاحتياج نفسه !
.
يمكن فقدت رغبتي ان أأقاوح !
مش لاقية أي تعبيرات !
ولا عندي إكتفاء بأي كلمة حلوة أسمعها
لدرجة ان أول مرة أُوصِّف أصحابها
بالبُخل العاطفي !
.
أنا قادرة عادي
الموضوع بس محتاج شوية وقت
و عليهم شوية صبر و تحمل
علي شوية مجاملة
مع حبة حكمة صغيرين أوي
...
كل ده عادي جدا
لكن مصيبتي بقي !
إني لأول مرة أحس اني مش قادرة أوي للدرجة دي !
أول مرة أشوف الدنيا بالصورة المفزعة دي!
أول مرة أتخيل كل قريب بيدور بس علي نصيبه منك!
أول مرة في حياتي كلها
أحس ان مفيش مكان أهرب ليه!
حتي النوم !!
مبقتش أحس فيه الإخلاص اللي صورته ليا الجميلة النائمة
.
مش قادرة أفكر في أي حاجة
عقلي مشتت لأقصى الحدود
الحاجة الوحيدة اللي في بالي
اني مش نفسي أكون في الدنيا دي يوم واحد زيادة !
نفسي أكون قدرت أعمل كل اللي عليا
و قدرت أكسب رضا ربنا
نفسي أحس ان ألمي صوته مسموع خارج حدود دمي !
نفسي أسجد في حضن أمي 💛..
نفسي محسش بأي ألم أو وجع بيكبر في ابويا و امي
نفسي مشوفش أبدا شكل الدنيا الا و دايما حسهم فيها 🙏🏼
نفسي أحس برحمتك يارب بتنزل عليا في أي وقت
نفسي أحس إني في خفة الريشة
اللي مستحيل تكسر أي غصن شجر
مهما كان ضعيف 🍃
#يارب 🙏🏼
No comments:
Post a Comment