حسيت احساس مختلف النهاردة
دموع اي بنت .. صعبة
دايما البنت لما تعيط
بيكون علي أسباب تافهه اوي في نظر ناس كتير
بس بينها و بين نفسها
بتحس بحاجة اتكسرت
او بجرح اتعصر عليه ليمون
بتنزل ساعتها الدموع
ملهاش سبب ملموس
بس ليها مبرر ملحوظ
لو كان اللي شايفها .. بيحس
.
في نفس من الناس
تحس انه بيشم تصرفاتك قبل ما تعملها
بيتوقع سعادتك و يحضرلها قبل ما تحصلك
بيحب يظهر دايما في أيامك الحلوة
و يحب يسندك اوووي في أيامك الوحشة
.
الناس متباينة اوي في نظري
من كل وادي إنسان
من كل ثورة بركان
حد دايما ملهوف و جعان
نفسه يحس انه دافيان
.
طباع البنات مختلفة جدا طبعا
بس في مواقف معينة بيتشابهوا
بيعيطوا ..
مش سهل واحدة متعودة تكتم تعيط
بس الدموع هي أسهل و أقرب حاجة لقلبها و عقلها الباطن
عشان كده بنسمع عنها كتير
و ساعات بنشوفها كتير ...
.
بس اللي مش بنشوفه كتير خالص
دموع الراجل 🙊..
المرات اللي شوفت فيها رجالة عيطت
حقيقي تتعد علي الصوابع
قليلة فعلا بس حقيقي
مترسخة في عقلي
دموع اي راجل
حتي لو مش اعرفه
بتوجعني اوي
بتخليني اعيط زيه
بحس انه بيشوف الدنيا كلها وقتها
في عيني اللي بتشاركه !
إحساس غريب فعلا
بتمني وقتها اشيل اي حاجة في الدنيا
وصلته للحالة دي
مهما كانت آيه ..
.
الحاجة الحلوة اللي ممكن احسها وقتها
ان الشخص ده ميزني عن ناس الأرض
و ظهر قدامي بضعفه
و مفكرش يستخدم قوته اللي بيقابل بيها باقي الناس
.
في نظري دي مش حاجة وحشة
ده تجسيد للمثل اللي بيقول
المواقف بتبين
و بصراحة الناس دي 💚👇🏼
ناس ما تداس 🙈
.
ياريتنا نقدر نبعد كل أسباب الحزن من حياتنا
ياريت 👏🏼
يارب اجعلنا دايما خير معين 🙏🏼
No comments:
Post a Comment