الرياضة حاجة مهمة جدا جدا
و مليون جدا كمان
بس من فترة مش كبيرة
بقيت أحسها نقمة !
.
لو بشوف حد جسمه مظبوط و صحته كويسة
و بيتجنب عمد اللي يأذيه .. بفرح أوي ✨
بفرح أوي بجد من غير سبب لفظي
.
لكن لما أشوف الناس
اللي بيسموهم مفتولين العضلات دول
اللي ممكن يشيلوا عربية عادي
بحس بنفور و بكرهه وجود المخلوقات دي
مش مستوعبة من أي وجهة نظر
بيسموا دي قوة !! 😖
ده أوضح صور الضعف في نظري ..
لما الإنسان يجهد نفسه
و يبقي شغله الشاغل الرياضة و تكوين " فورمة " !
هيكسب آيه ؟؟
انا بتكسف والله لما أشوف حد من دول
مش بكون عارفة
هو أنا المفروض أقول آيه ولا أعمل آيه
و آيه بجد اللي ممكن يوصل واحد
يعمل في نفسه كده
ليه يرضي بتركيز حياته كلها
علي إيده بقي عرضها قد آيه!؟؟
ولا يقدر يشيل كام كيلو ؟!!؟؟
ولا يفقد كل وقته حرفيا عشان كده !!!
.
أنا مدركة أوي برده
ان رأيي ده فعلا منفر و عليه اعتراض كتير
لكن بجد أنا بحس بإشمئزاز من الفئة دي من الناس
.
المقصود من كلامي مش تنفير من الچيم خالص
بس الاعتدال حلو
حلو أوي 💚
و مبهر للعين أوي 😍 ..
.
أحلي حاجة في الدنيا دي بجد
انك تحس بقيمة أي حاجة بين إيديك
أو حاجة بتعملها بنفسك مفيدة ليك او لغيرك ..
يارب يساعدنا دايما نكون دايما متزنين 👏🏼
No comments:
Post a Comment